"Наведванне дзіцячай бібліятэкі"
Кожнае дзіця з дзяцінства ведае: "Кніга - сябар чалавека". З самага ранняга дзяцінства бацькі, выхавальнкі чытаюць дзецям кнігі. З мэтай пашырэння ведаў дашкольнікаў аб кнігах, выхаванцы нашай дашкольнай установы наведалі Зэльвенскую раённую бібліятэку.
Рыхтавацца да гэтага пачалі загадзя. Правялі цыкл гутарак: “Дзе жывуць кнігі? », «Як паводзіць сябе ў бібліятэцы», «Як правільна абыходзіцца з кнігай», разгледзелі з дзецьмі сітуацыю: «Што трэба зрабіць, калі кніга «захварэла», чыталі вершы, загадкі, апавяданні пра кнігі, а таксама ў кніжным кутку знаёміліся з навінкамі.
Рабяты з задавальненнем спяшаліся ў бібліятэку.
Работнікі бібліятэкі сардэчна сустрэлі хлопчыкаў і дзяўчынак і прапанавалі здзейсніць займальнае падарожжа ў свет кніг. Дашкаляты з вялікай цікавасцю слухалі апавяданне бібліятэкара. Яна пазнаёміла дзяцей з калекцыяй кніг, часопісаў, расказала пра правільнае абыходжанне з кнігамі, як выбіраць кнігі і як паводзіць сябе на абанеменце і ў чытальнай зале. Дзеці з вялікім захапленнем, а хто і затаіўшы дыханне, глядзелі на мноства кніг у прыгожых вокладках, на выдатна аформленых паліцах. Такой колькасці кніг дзеці яшчэ ніколі не бачылі. Усім вельмі спадабалася наведванне бібліятэкі. Вельмі важна далучаць дзяцей да кніжнай культуры, выхоўваць дапытлівага, граматнага чалавека.
