ДЗЕНЬ ВЕДАЎ
1 верасня ва ўстанове дашкольнай адукацыі прайшла музычная забава "Падарожжа ў краіну Ведаў".
Дзень ведаў у дзіцячым садку, магчыма, не такі ўрачысты і хвалюючы, як у школе, але ад гэтага не менш важны для дзяцей. Пачынаецца новая паласа ў іх жыцці: заняткі, гутаркі, святы, якія дапамагаюць лепш спазнаць навакольны свет, нечаму навучыцца, пазнаць сябе, вызначыць свае інтарэсы. У гэты дзень для выхаванцаў дзіцячага сада педагогі арганізавалі сапраўднае свята. Мерапрыемства пачалося з выканання гімна Рэспублікі Беларусь. З Днём ведаў выхаванцаў дзіцячага сада прыйшлі павіншаваць казачныя персанажы! Дзеці разам з гасцямі свята ўдзельнічалі ў конкурсах, гульнях-спаборніцтвах, разгадвалі загадкі, спявалі песні, шмат жартавалі і смяяліся. Вось так весела, цікава і святочна пачаўся новы навучальны год у нашым дзіцячым садку. Мы віншуем усіх - бацькоў, дзяцей, педагогаў з новым навучальным годам! Няхай ён будзе займальным, цікавым і прынясе новыя веды, адкрыцці і новых сяброў!
