"Кожнай тпушчы па зярнятку"
У апошні дзень восені, ва ўстанове дашкольнай адукацыі прайшла экалагічная акцыя «Кожнай птушачцы па зярнятку». Дзякуючы намаганням нашых выхаванцаў і іх бацькоў на тэрыторыі сада з'явілася больш за 15 кармушак! Бацькі з задавальненнем адгукнуліся на прапанову змайстраваць сваімі рукамі кармушкі для птушак і на час стаць архітэктарамі, будаўнікамі і дызайнерамі птушыных сталовых. Усе вырабы яны вырабілі з душой, праявіўшы творчасць, фантазію і майстэрства. Разнастайным аказаўся і матэрыял: кармушкі рабілі з дрэва, пластыкавых бутэлек, пластыка. З гонарам і радасцю выхаванцы прыносілі кармушкі ў свае групы. Кожны хацеў падзяліцца ўражаннямі аб тым, «як з татам майстраваў кармушку» або «як з мамай упрыгожваў кармушку аплікацыяй». Усе ўдзельнікі акцыі былі ўзнагароджаны падзячнымі пісьмамі, а лепшыя кармушкі адабраны для ўдзелу ў раённым конкурсе "Птушыная сталовая".